讀者問：
遇到自殘的朋友該怎麼做？他會自殺嗎？
說書人分享：
呢個係一個唔容易回答既問題，一個人有自殘行為可以有好多唔同嘅原因，一個有自殘行為嘅朋友會唔會自殺可以有好多因素影響，好難就咁作出一個判斷。作為朋友嘅就係做朋友嘅角色，去畀對方知你著緊同重視，持續咁關心（而唔係出現自殘行為先關心），如果可以嘅話嘗試明白對方背後嘅需要。或者你會好緊張好想做多啲野去關心對方，但其實自自然然做返自己就可以啦。陪下對方，如果對方想嘅話做下唔同嘅事情或者興趣。如果對方想同我地傾訴，我地耐心去聆聽就可以啦，亦都可以畀唔同嘅選項對方去揀想其他人點樣支援。
我地都可以提醒自己，自殘行為只係人嘅一部分，而唔係全部，唔好忘記對方都係一個有好多唔同面向嘅人。
你亦都可以同呢位朋友商量，係咪需要專業人士嘅介入，例如醫生，臨床心理學家，輔導員，或者社工。當然你都可以按你嘅需要尋找適合嘅服務支援你。
最後亦都係最重要嘅係，係照顧人地嘅同時我地都唔好唔記得要照顧自己，如果有需要，都記得要揾人幫手呀!
以下係一啲有關自殺嘅資料供參考: